Seul -- Rusiä belän Tönyaq Korea 6-yaqlı söyläşülärne yañartırğa niät belderä. Bu turıda Rusiä Tışqı eşlär ministrı urınbasarı Aleksandr Alekseev bügen Seulda äytte. Şuşı atnada ul Pxenyanda söyläşülär ütkärgän ide. Könyaq Korea räsmie bu xäbärgä şik belderde.
Şimbä könne Berläşkän Millätlärneñ İminlek Şurası Tönyaq Koreağa finans häm qoral çikläwläre kertü turında qarar qabul itte. Dokumentta Pxenyannıñ düşämbedä ütkärgän atom sınawı "xalıqara iminlek häm tınıçlıqqa yanaw" dip bäyälängän. Älege qarar Tönyaq Koreağa tanklar, xärbi köymälär, oçqıçlar, raketalar kebek qorallar cibärüne tıya. BMO illäre bu ilgä barğan här yök transportın tuqtatıp tikşerä alaçaq. Rusiä belän Qıtay taläp itkänçä, qararda Tönyaq Koreağa qarşı xärbi köç qullanu telgä alınmağan.
Rusiä, Yaponiä, Könyaq Korea, Quşma Ştatlar qararnıñ qabul itelüenä xuplaw belderde. Amerikan prezidentı George Bush "Berläşkän Millätlärneñ bu tiz häm qırıs ğämäle, Korea yarım-utrawın atom qoralsız itüdä bezneñ berdäm buluıbıznı kürsätä" dide.
Tönyaq Korea bu qararnı kire qaqtı. İlneñ BMOdağı wäkile Pak Gil Yon, Quşma Ştatlar Korea Xalıq Demokratik Respublikasına basımın däwam itsä, bez monı suğış iğlan itü dip qarıyaçaqbız häm qarşı çaralar küräçäkbez, dip belderde.
Şimbä könne Berläşkän Millätlärneñ İminlek Şurası Tönyaq Koreağa finans häm qoral çikläwläre kertü turında qarar qabul itte. Dokumentta Pxenyannıñ düşämbedä ütkärgän atom sınawı "xalıqara iminlek häm tınıçlıqqa yanaw" dip bäyälängän. Älege qarar Tönyaq Koreağa tanklar, xärbi köymälär, oçqıçlar, raketalar kebek qorallar cibärüne tıya. BMO illäre bu ilgä barğan här yök transportın tuqtatıp tikşerä alaçaq. Rusiä belän Qıtay taläp itkänçä, qararda Tönyaq Koreağa qarşı xärbi köç qullanu telgä alınmağan.
Rusiä, Yaponiä, Könyaq Korea, Quşma Ştatlar qararnıñ qabul itelüenä xuplaw belderde. Amerikan prezidentı George Bush "Berläşkän Millätlärneñ bu tiz häm qırıs ğämäle, Korea yarım-utrawın atom qoralsız itüdä bezneñ berdäm buluıbıznı kürsätä" dide.
Tönyaq Korea bu qararnı kire qaqtı. İlneñ BMOdağı wäkile Pak Gil Yon, Quşma Ştatlar Korea Xalıq Demokratik Respublikasına basımın däwam itsä, bez monı suğış iğlan itü dip qarıyaçaqbız häm qarşı çaralar küräçäkbez, dip belderde.
