Accessibility links

Кайнар хәбәр

Gruziä, Ukraina, Äzerbäycan häm Moldova parlamentariyları oçraştı


Kişinevta Gruziä, Ukraina, Äzerbäycan häm Moldova parlamentları wäkilläre cıyılışı ütte. Bu oçraşuda Rusiä belän Gruziä arasındağı xäzerge krizis ta tikşerelgän. Gruziä parlamentı spikerı Nino Burdjanadze: “İñ ähämiätlese- bezneñ duslarıbız Rusiä tarafınnan kertelgän çikläwlärne häm Rusiädä ezärleklänüçelärneñ, min monda Gruziä watandaşların küz aldında totam, beterelüe öçen tırışuına bez ışanıç aldıq. Häm şulay uq alar Rusiä häm Gruziä arasındağı mönäsäbälärneñ normäl diplomatík yulğa qaytuı öçen dä tırışaçaq”,- dide.

Cıyılış näticäläre buyınça qabul itelgän belderüdä, 4 ilneñ parlamentariyları, nizağ çişelgän oçraqta, demokratiäne nığıtu häm keşe xoquqların saqlaw öçen xezmättäşlekkä äzer ikänlekne belderde.
XS
SM
MD
LG