Qırğızstan parlamentı oppozitsiäneñ xoquqları turında qanun ölgesen qaradı. Bu doqument nigezendä oppozitsiädägelärgä mäğlümat çığanaqlarında çığış yasaw irege birelä häm yılına kimendä ike tapqır däwlät başlığı belän oçraşa alalar. Oppozitsiädägelärneñ ber öleşe alarnıñ xoquqları il konstitutsiäsendä qaralğan inde häm bu qanun kiresençä, eşçänleklärenä kirtä genä salaçaq, dip belderä. Qanun ölegse 19 nçı üktäberdä tawışqa quyılırğa tieş.
