Quşma Ştatlar prezidentınıñ däwlät iminlege kiñäşçese Stephen Hadley kötelmägän säfär belän Ğıyraq başqalasına kilep töşte. Bügen Ğıyraqta Quşma Ştatlarnıñ tağın ber xärbieneñ ülüe bilgele buldı. Bu ayda ğına da Ğıyraqta 100 amerikan xärbie hälaq bulğan.
Bağdadnıñ şiğıylar yäşägän Sadr Siti öleşendä bomba şartlaw näticäsendä 30 lap keşe ülgän, 60 lap keşe yaralanğan. Bomba bazarda eşkä urnaşırğa teläwçelär cıyılğan urında şartlatılğan. Sadr Siti şiğıylarnıñ “Mähdi Armiäse” töplängän urın.
