Taciqstanda prezident saylawları ütkän dip sanala. Üzäk saylaw komitetı belderüençä, könneñ ikençe yartısında saylawçılarnıñ öçtän ikese tawış birgän. İlneñ xäzerge prezidentı Emomalí Raxmonov, saylap çıqqaç, jurnalistlar aldında çığış yasap, Xalıqara küzätüçelär, ayırım alğanda Yewropada iminlek häm xezmättäşlek oyışmasınıñ, Tacikstanda saylaw aldı köndäşlege bulmadı dip ğäyepläwen, kire qaqtı. Raxmonovtan qala ağrar, sotsialistlar, kommunistlar häm iqtisadıy üzgäreş firkälärennän tağın 4 nämzät il başı urının däğwalıy. Oppozitsiä bu saylawğa boykot belderde.
Bäysez däwlätlär berdämlegeneñ başqarma sekretare Vladimir Ruşaylo saylawlardan känäğät buluın äytte. “Saylawlar öçen barlıq kiräkle cihazlar da bar. Här cirdä dä tawış birü bülmäçekläre eşlängän. Saylaw ärcäläre qanun nigezendä möher suğılıp yabılğan. Şuña kürä bez Taciqstanda saylawlar qanun nigezendä uzar dip ömetlänäbez”,- dide Ruşaylo.
Belgeçlär fikerençä, ilgä 1994 yıldan birle citäkçelek itkän Raxmonov, tağın 7 yılğa prezident itep saylanaçaq.
Belgeçlär fikerençä, ilgä 1994 yıldan birle citäkçelek itkän Raxmonov, tağın 7 yılğa prezident itep saylanaçaq.
