Qızıl mäydanda bügen 1941 yılnıñ 7 noyaberendä ütkän xärbi paradqa 65 yıl tulu uñayınnan tantanalı xärbi yöreş buldı. Rusiä kommunistları isä, Mäskäwdä häm başqa şähärlärdä 1917 yılğı üktäber inqıylabına bağışlanğan çaralar ütkärde. Mäskäwdä Rusiä kommunistlar firkäseneñ 4 meñläp wäkile räsmiläşterelmägän uram cıyını ütkärü öçen Teatr mäydanına kilde. Alar Tver uramı aşa ütkändä xäräkät qatıp qaldı.