Gruziä premer-ministrı Zurab Nogaideli Rusiäneñ “Gazprom” şirkäten şantajda ğäyepläde. Sişämbe könne “Gazprom” wäkile, ägär dä kileşügä ireşelmäsä, Rusiä ğazın Gruziägä kiterüne tuqtatu mömkinlege dä bar, dip beldergän ide. Şuşı könnärdä genä Rusiäneñ Gruziägä sata torğan ğaznıñ yaña yıldan meñ kubometrın 110 dollardan 230 dollarğa küterergä cıyınuı da bilgele buldı. Gruziäneñ iqtisadıy üzgäreşlär ministrı Kaxa Bednukidze Rusiäne aldan kileşengännärne bozuda ğäyepläde.
