Accessibility links

Tönyaq Korea atom söyläşüläre dikäberdä başlana


Quşma Ştatlar däwlät sekretare urınbasarı Christopher Hill, Tönyaq Koreanıñ atom programmasına bağışlanğan küp yaqlı söyläşülär dekäber başında qabat däwam itergä mömkin, dip belderde. “Bez Korea xalıq demokratik respublikası mäsäläsendä küpyäklı söyläşülärdä alğa kiteş kiräklegen kisken toyabız. Şuña kürä, söyläşülärneñ aldağı öleşen bik saqlıq belän äzerlibez häm planlaştırabız”,- dide Hill.

Quşma Ştatlar däwlät sekretare yärdämçese bu süzlärne Xanoyda, Aziä-Tın okean töbäge illäre sammitına äzerlek waqıtında äytte. Pxenyän ber yıldan artıqqa suzılğan tänäfestän soñ söyläşülär östäle artına qabat utırırğa rizalıq birä. Ä üktäber başında Tönyaq Koreadä cir astı atom sınawı ütkärelgän ide.
XS
SM
MD
LG