Ğiraqta 4 amerikan belän bergä totıq itep alınğan Awstriä iminlek saqçısı üterelde, amerikannarnıñ berse qatı yaralandı.
Ğiraq politsiäse xäbärenä qarağanda alarğa ni bulğanlığı açıq añlaşılmıy.
Yä çärşämbe könne saqçılarına höcüm waqıtında alarğa zarar bulğan, yä bügen Safyan şähärendä AQŞ häm Britan xärbiläre belän qorallı keşelär arasındağı atış zarar kitergän dielä.
Ğiraqnıñ könyağındağı Nasiria şähärendä kileşü nigezendä eşläwçelär qärwanına höcüm bulğan, 14-läp keşe, şul isäptän 4 amerikan totıq itep alınğan dip xäbär itelä.
Quşma Ştatlarnıñ ABC News televideniese xäbärçese, ASQ saqlanu ministrlığı räsmiläre äytkännär nigezendä, berençel mäğlümätlärgä qarağanda 19 yök maşinası häm 14-läp keşe totıq itep alınğan dip belderde.
Bu qärwan Küwäyttä terkälgän Yarımay İminlek Törkemeneke bulğan.