Bu xaqta Giraq tışqı eşlär ministrı Xöşiär Zebari Süriä tışqı eşlär ministırı Wälid Mögällim belän bulğan söyläşülärdän soñ belderde. Şulay uq iminlek ölkäsendä xezmättäşlek kileşüe dä imzalanğan. İke il arasındağı mönäsäbätlärneñ naçarayuı 20 yıldan artıqqa suzılğan ide.
Giraq prezidentı Cäläl Talabaní bu atna axırında Tähranğa barıp, anda İran prezidentı Mäxmüt Äxmädinicäd belän oçraşırğa tieş. Talabanínıñ mätbuğat xezmäte bu oçraşuda Süriä prezidentı Bäşär Äsäd tä qatnaşaçaq digän xäbärne kire qaqtı. Aldaraq Äxmädinicäd Giraq häm Süriä başlıqlarına Giraqtağı xälne cayğa salu turında bergä kiñäşläşergä täqdim itkän ide.
Quşma Ştatalar däwlät departamentı wäkile, Giraq prezidentınıñ Tähranğa bulaçaq säfärenä mönäsäbättä: “Bez Giraqnıñ, barlıq kürşeläre, şul isäptän İran belän dä, yaxşı mönäsäbättä buluın telibez. İke ilneñ räsmiläre fiker alışa. Misal öçen, ike ay elek Giraq premerı Nuri Äl-Mäliki Tähranda buldı. Bez bu söyläşülärneñ däwam itüen xuplıybız”,- dide.
