Grippol qorbandarı Öfölä lä terkälä. Öfönöñ İmmunopreparat yämğiätendä eteşterelgän bıl preparat menän Başqortostan xökümäte kürhätmähenä yaraşlı pensionerźar häm uqıusılarğa buşlay privivqalar yahala ine. Xäźer xäbär iteüźärensä, waqtsinalanğan ber–nisä keşe tabiptarğa möräjäğät itkän. Ular arahında grippolğa allergiya reaqiyahı bulıp dauaxanağa eläkkän uqıusılar źa bar. Mäśälän, 10 yäşlek malayğa mäktäptä uqol yahağanldar, unıñ başı äylänep, temperaturahı kütärelgän. Öfönöñ haulıq haqlau uçrejdeniehı mäğlümättärenän küreneüensä, bıyıl köź başqalala 251, ä respubliqa buyınsa 852 meñ keşegä waqtsina yahalğan. Ämmä älegä tiklem ber kem dä tabiptarğa möräjäğät itmägän. Şul uq waqıtta Räsäyźeñ 9 töbägendä grippol qaźauźı tuqtatqandar. İldeñ baş sanitar tabibı Gennadiy Oniçenko hüźźärenä qarağanda, ağıulanıu säbäptäre asıqlanmay torop, waqtsina yahalmayasaq. Ä unı eteştereüse İmmunopreparat yämğiäten Mäskäü qomissiyahı tikşergän, ämmä texnoloğiya boźolouı osrağın tapmağan. Mäğlüm bulıuınsa, Haulıq haqlau proektı siktärendä Öfönöñ İmmunopreparat yämğiäte 22 million doza gripqa qarşı vaqtsina äźerläügä zakqaz alğaynı. İmmunopreparat yämğiäte Mikroğen berekmähenä qaray. Räsäy qullanıusılar xoquqtarın yaqlau idaralığı talabı buyınsa, eteşterelgän 1 million doza waqtsina tartıp alınasaq. Kommersant gäzite yaźıuınsa, ildä 15 million keşegä privivqa yahalğan, yäğni allergiya massa räüeştä tarala tip äytep bulmay. Mikroğen ğilmi berekmähe matbuğat sekretarı Timofey Peşqov äyteüensä, 15 million keşe arahınan 40 balanıñ başı auırtıuı nindäyźer qurqınıs tıuıuın iśbatlamay.
Timofey Peşkov bıl osraqta konkurenttarźıñ qıśılışı bulıuın da inqar itmäy. İmmunopreparatta eteşterelgän vaqtsinanıñ xaqı sit ildägelärźekenän arzanıraq. Häm xäl yahalma räüeştä qupırtılğanğa oqşay ti ul.
Farmatsevtika baźarında alda äytelgän 1 million doza kire qaytarılğan osraqta, Mikroğendıñ ber–nisä million dollar zıyan küräsägen belderälär. Yäğni Öfö zavodında unıñ üźqimmäte 2 dollar, hatıuźa ihä xaq 4 dollarğasa arta.
