Tatarstan xäbärläre çığarılışı başında milli säyäsät xaqında. Çärşämbedä Rusiäneñ töbäklär üseşe ministrı Vladimir Yakovlev milli säyäsät konsepsiäseneñ yañartılğan variantın täqdim itte. Küp bäxäslär tudırğan kontsepsiädäge rus xalqınıñ tuplawçı role xäzer berläşterüçe rol'ne başqara dip üzgärtelgän. Tatarstan Däwlät şurası räise Färit Möxämmätşin üz çığışında töbäklär üseşe ministrlığı milli mäs’älälärne xäl itmi, monda obyektiv säbäplär dä bar dip beldergän. F.Möxämmätşin yaña ministrlıqnı buldıru kiräklege xaqında äytte, aña wäkälätlär, finanslar birep, citäkçesen isä premyer-ministr urınbasarı itärgä. Tatarstan Parlamentı räiseneñ täqdimen başqa komissiä äğzälärı da xuplağan. F.Möxämmätşin milli säyäsät iñ äwäl xalıqlarnıñ mänfägat'lären istä totıp alıp barılırğa tieş. Bu säyäsätneñ mäğnäse - Rusiä Federatsiäse däräcäsendä ildäge barlıq millätlärneñ mänfägat'lären ğomumdäwlätneke belän kileşterüdä, dide ul.
Al'bina Zäynulla
