Accessibility links

Кайнар хәбәр

Benedict XVI Soltanäxmät mäçetenä barırğa mömkin


Vatican -- Katolik çirkäw başlığı Benedict XVI kiläse atna Törkiä säfäre waqıtında İstanbulnıñ Soltan-äxmät mäçetenä barırğa mömkin. İtaliä mäğlümät çaraları xäbär itüençä, bu mäşhür mäçetkä barunı aña, solıx ğämäle bularaq, Törkiä räsmiläre täqdim itkän.

Sintäberdä İslamnı kimsetkän süzlär äytep, ul dönya möselmannarın räncetkän ide. Törek ruxanie Ali Bardaqoğlı, anıñ möselman ilenä säfäre wazğiätne tınıçlandıra ala di:

"Dönyada kierenkelek artu härkemne borçıy. Bu wazğiättä din wä däwlät citäkçeläre dialog işeklären açıq totırğa tieş. Popnıñ Törkiägä säfären bez şuşı dialogqa taba uñay adım dip sanıyıbz" di Törek ruxanie.

Ul arada yözlägän meñ törek bu säfärgä protest belderer dip kötelä. Benedict XVI Törkiägä 4 könlek säfär belän Sişämbedä kilä.
XS
SM
MD
LG