Britan tabibları elekke Rusiä küzläw ofitserı Aleksandr Litvinenkonıñ ülemenä kitergän nurlanışlı matdäne qayçan häm niçek alğanın açıqlaw öçen anıñ cäsäden tikşerä başladı.
Litvinenko uzğan atnada Londonda wafat buldı.
Anıñ sidegendä nurlanışlı poloniy-210 matdäse tabıldı.
Belgeçlär anıñ cäsäden tikşergändä maxsus saqlağıç kiem kiä häm nurlanış däräcäse daimi tikşerelep tora.
Litvinenko eşen tikşerü barışında 13 urında nurlanış ezläre tabıldı.
1-nçe noyäberdä London restoranına Litvinenko belän oçraşqan italiäle Mario Scaramella tänendä dä poloniy-210 buluı açıqlandı. Litvinenkonıñ xäle Sraramella belän oçraşudan soñ berniçä säğät üktäç kisäk naçarayıp kitkän ide.
