Başqortostan qatın–qıźźar berlegenä artaban da Räşiźä Soltanova etäkselek itäsäk. Däülät Yıyılışı– Qoroltay deputatı Räşiźä Soltanovanı qayhı beräüźär il inähe tip yörötä. Ul üź sığıştarında qatın–qıźźar ir– attarźı yaqlarğa teyeş, qatın–qıź donya totqahı tip qabatlarğa yarata.
Räşiźä Soltanova äyteüensä, ir–at etäkse wazifalarźı küpläp bilähä lä, asılda güzäl zat wäkildäre küpkä aqıllıraq, belemleräk. Başqortostanda ir–attarźıñ 36 protsentı ğına yuğarı belemle. Ä güzäl zattarźıñ yartıhınan kübehe yuğarı beleme menän maqtana ala.
Älege köndä urındağı xakimiättärźä häm munitsipal şuralarźa qatın–qıźźar hanı artıuı küźätelgän. Alda torğan haylauźar osoronda berlek äüźemlegen arttırırğa niät tota. Haylauźar osoronda berlek Berźäm Räsäy firqähe menän kileşeü nigeźendä eşläyäsäk.
Azatlıq radiohı xäbärseheneñ çinovniktar arahında qatın–qıźźar hanı aź tigän horauına, Räşiźä Soltanova yuğarı etäkse wazifalarźa qatın–qıźźar hanınıñ aź bulıuı urındağı mäsälä genä tügel tip yauaplanı. Mäśälän Başqortostan parlamentında 120 deputattıñ 8-e qatın-qıź ikän, Mäskäüźä bıl kürhätkes ğäräp ildäreneke menän tiñ tine Räşiźä Soltanova. Unıñ fekerensä, bında ber nindäy źä fajiğä yuq. Ägär źä irźär qatın-qıź mäsälälären añlay ikän, eşläy birhendär.
