Britaniä, Fransiä häm Germaniä BMO İminlek Şurası äğzalarına İran uran bayıtunı tuqtatmağan oçraqta aña qarşı çikläwlär kertü turındağı rezolütsiä ölgeseneñ üzgärtelgänen tarata.
Xäbärlärgä qarağanda bu ölge atom-töşe häm raketalar belän bäyle eşçänlekkä qarağan materiallarnı häm texnologiälärne İranğa satunı tıyaçaq.
Anda İrannıñ Buşer şähärendä Rusiä yardäme belän tözelüçe atom elektr stansiäse telgä alınmıy.
Buşer rezolütsiä ölgesen Rusiäneñ dä yaqlawına ireşü öçen töşerep qaldırılğan bulırğa oxşıy.
