Accessibility links

Кайнар хәбәр

Rusiä Yuğarı mäxkämäse Tatarstan mäxkämäse qararın köçendä qaldırdı


Rusiä yuğarı mäxkämäse, bıltır Qazannıñ 1000 yıllığı bäyrämendä terror ğämälläre äzerläwdä gäyeplänep xökem itelgän 5 üsmergä qarata, Tatarstan mäxkämäse qararın üz köçendä qaldırdı. Avgust ayında Tatarstan yuğarı mäxkämäse alarnı 5 yıldan alıp 6 yılğa qädär törmä cäzasına xökem itkän ide. Xökem itelüçelär şulay uq “Íslam cämäğäte” dip atalğan tıyılğan suğışçan törkemdä äğza buluda da gäyeple dip tabıldı.

Prokuratura, bu törkem äğzaları dini näfrät belän keşelär üterüdä dä şiklänelä, dide. Xoquq yaqlawçılar bu eş maxsus oyıştırılğan dip belderä. Alar şulay uq bu mäxkämä möselmannarnı tübänsetü maqsatındağı çirattağı ğämäl dip sanıy. Gäyeplänüçelärneñ advokatı Strassburgtağı Yewropa keşe xoquqları mäxkämäsenä möräcäğät itergä cıyınuı turında belderde.
XS
SM
MD
LG