Bügen “Novaya gazeta”nıñ üterelgän jurnalistı Anna Politkovskaya Andrey Saxarov isemendäge büläk jurienıñ “Jurnalistikağa birelgän tormış öçen” dip atalağan maxsus diplomı belän büläklände. Juri sekretare Boris Timoşenko, Politkovskayanıñ üz waqıtında Saxarov bülägenä layıq bulğanlığın da bilgeläp ütte. 7 üktäber könne Mäskäwdä üterelgän Politkovskaya wafatınnan soñ xalıqara büläklärgä layıq buldı. Şulay uq aña Rusiädäge keşe xoquqları wäkileneñ maxsus medale dä tapşırıldı.
