İranda cirle şuralarğa häm belgeçlär cıyını dip atalğan dini şurağa saylawlar ütä. Bu saylawlar säyäsätkä turıdan turı täesir itmäsä dä, 2005 yılda xakimiätkä kilgän prezident Mäxmüt Äxmädinicat yaqlı köçlär öçen berençe saylaw sınawı dip qarala. Äxmädinicat bügen Tähranda tawış birgännän soñ xäbärçelär belän oçraştı.
"Bez çittä bezgä qarşılar üzgärer häm İran xalqına qänäğätsezlek belderüdän tuqtar dip ömetlänäbez. Çönki İran xalqı bik zur qarar qıldı häm ul täwäkällek belän böyek il bulu yulınnan bara" dide Äxmädinicat.
Bu saylawlar İrannıñ atom programmasına qarata xalıqara basım arta barğan çaqqa turı kilde. Xakimiätlär saylawçılarnıñ küpläp qatnaşuı xalıqnıñ xökümätkä yaqlaw belderüen añlataçaq di.
