Bügen Mäskäwneñ Presnenskiy mäxämäse Çeçnyänıñ Borozdinovski keşeläreneñ Rusiä saqlanu ministrlığına qarşı şikäyäten qarıy başladı. Uzğan yılnıñ cäyendä maxsus operatsiä waqıtında bu awılda ber keşe ülde, 11 keşe ezsez yuqqa çıqtı, berniçä yort yandırılğan ide. Awılnıñ meñgä yaqın keşese, protest belderep, Dağıstanğa kitte häm Kizlärdä çatırlar qordı. Mäskäwdäge mäxkämä 40 tan artıq keşeneñ şikäyäten tikşerä. Alar 126 millon sumlıq kürgän zıyannarın kire qaytarunı täläp itä. Zıyan kürüçelärneñ advokatı Borozdinovskinıñ tağın 54 keşesen mäxkämägä möräcägät itergä çaqırdı. Mäxkämä zıyannı dokumentlar belän dälilläwne täläp itep ğinwar urtasına qädär tänäfes iğlan itte.
