20 dekäber başqalanıñ Lenin mäydanında “Buş kästrüllär marşı” isemle qarşılıq aksiäse uzdı. Ul keçe bazarlarnı beterügä qarşı yünältelgän ide. Çarada yözgä yaqın keşe qatnaştı. Alar: “Bezgä yal üzäkläre tügel, arzanlı ikmäk kiräk!”, “Azıq-tölekne qaydan satıp alunı üzebezgä saylaw irege biregez!”, “Keçe bazarlarnı yaqlaw - Başqortstan awılların yaqlaw”, “Keçe bazarlar yazmışın - referendumğa!” häm başqa şundıy eçtälekle şigärlär totqannar ide. Çara axırında respublika xakimiäten eşquarlıq xoquqların bozuda ğäyepläp imza cıyu oyıştırıldı. Alar Rusiäneñ baş prokuraturası häm monopoliägä qarşı idarälärgä cibäreläçäk.
