24 dikäber Başqortstan konstitusiä könen bilgeli. Bügenge töp qanun 1993nçe yılda qabul itelgän. Bıyıl aña üzgäreşlär kertelde. Konstitusiä köne uñayınnan Başqortstan xalqına möräcäğät itep, prezident Mortaza Räximov, bıyıl konstitusiägä kergän üzgäreşlär, tsitata – "xoquqi däwlät sistemasın kamilläşterü häm federasiä prinsipların tormışqa aşıru öçen möhim ide" dip belderde. Räximov respublika xalqına sälämätlek, bäxet häm uñışlar teläde, dip yaza Başinform mäğlümat agentlığı.
