Uzğan atna axırında Ufa däwlät sirkında respublika Prezidentı çırşısı uzdı. Anda uqu aldınğıları, olimpiadalarda ciñüçelär, az tä'min itelgän häm qaynar noqtalarda ata-anaların yuğaltqan xärbi häm militsiä xezmätkärläre balaları qatnaştı. Bäyrämdä qatnaşqan 1200 balağa bäyräm büläklären 26 qış babay tarattı.
Mäskäw Kremlendä uzğan ilneñ töp çırşı bäyrämenä respublikadan 133 bala häm alarnı ozatuçı 32 keşe kitte. Bu İdel buyı federal' okrugı töbäkläre buyınça iñ zur törkem.
Röxsätsez çırşı kisüçelärne aulaw operatsiäse bara. Röxsätsez çırşı kisüneñ 14 oçrağı bulğan, şularnıñ 13 ye törkemnär. Alar tarafınnan kürelgän zıyan yartı million sumnan artıq. Qanunsız çırşı kisü öçen ştraf 2000 sum täşkil itä. Ufada çırşı bäyäläre urtaça 120-250 sum tora.
Yaña yıl aldınnan militsiä qanunsız pirotexnikağa qarşı operatsiä ütkärde. Barlığı ike million sumğa yaqın sertifikatsiäse bulmağan salyut häm feyerverklar qulğa alınğan.
