Ufanıñ Frunze-Puşkin uramnarınıñ 450nçe kwartalında yäşäwçelär Töbäk üzidärä cämägätçelek oyışması tözegän idelär. Ul ikençe törle 450nçe batalion dip tä atala. Älege kwartalda yäşäwçelär ağaç yortlarına şul uq zurlıqtağı şähär çitendäge fatirlarğa küçerügä qarşı köräşte. Batälon komandirı Svetlana Puçkova sensatsiäle xäbär ireşterde. Anıñ süzlärenä qarağanda, ul älege mäsälä buyınça federal milek idarälegenä möräcäğätenä cawap alğan. Anda bu yortlarnıñ 2003-2010 yıllarğa federal tuzğan toraq programına kertelüe äytelgän. Bu program buyınça ber keşegä 33 kwadrat metr, ike keşelek ğäilägä 42, ä öç häm annan da kübräk keşelär bulğan ğäilälärgä här keşegä 18 kwadrat metr isäbennän toraq birelergä tieş. Ä alarğa toraq kodeksı buyınça älege yortları zurlığı fatir birergä tieş idelär.
