Mäskäw AQŞ çikläwlären qabul itmi

Mäskäw -- Rusiäneñ Tışqı eşlär ministrlığı Quşma Ştatlar Rusiäneñ 3 şirkätenä kertkän çikläwlärne "qabul itelmäslek" dip atadı. Ministrlıq belderüendä äytelgänçä, Quşma Ştatlarnıñ üz qanunnarın çit il şirkätlärenä cäyelderü niäteneñ bu - berençe genä oçrağı tügel.

Räsmi Washington Rusiä, Qıtay häm Tönyaq Koreanıñ berniçä şirkätenä çikläwlär kertte. Quşma Ştatlar alarnı Liviä, Süriä häm İranğa qanunsız räweştä xärbi texnika belän täemin itüdä ğäyepli.