Accessibility links

Кайнар хәбәр

Mäğlümatsızlıq sezgä uñaysızlıq tudıramı?


Tatarstanda 10 kön buyına suzılğan yal könnärendä barlıq oyışmalar belän belän rättän törle gazeta-jurnal redaksiäläre dä yal itte. Basmalar çıqmağaç, xalıq ildä barğan waqiğalar, yañalıqlardan çittä qaldı. 10 kön buyına yaratqan gazetalarınnan mäxrüm itelüne xalıq niçek qabul itte? Bäyrämnärdä mäğlümatsız, xäbärsez qalu uñaysızlıq tudırmadımı keşelärgä? Älege sorawlarğa cawapnı Qazan uramnarında Güzäl Zıyätdinova ezläde.

Älbättä inde, Yaña yıldan soñ gazetalar çıqmıy başlağaç, mäğlümat citmäw sizelä. Ämma min student bularaq şunı äytä alam, Yaña yıldan soñ bezneñ imtixannar başlana. Şul säbäple gazetalar uqunı beraz azaytıp torırğa turı kilde. Ä alar çığa başlağaç, uqı başlarbız dip uylıym.

Bäyräm könnärendä gazetalar çıqsa yaxşıraq bulır dip uylıym, çönki ildä nindi yañalıqlar buluın belep torırğa kiräk.

Älbättä naçar buldı gazetasız. Televizor qabızasıñ, gel seks qına kürsätälär. Anı balalar belän qarap bulmıy. Gazeta uqıp utırsañ bik yaxşı bulır ide dä bit, çığuçı gazetalar bulmadı şul.

Yuq, uñaysız bulmadı, çönki min qul eşläre belän şöğellänäm. Xäzer yäş tä bara inde, qartayğan könnäremdä küzlek belän küzne bozası kilmi.

Miña bik tä awır buldı. Küpme kötsäm dä, gazeta çıqmadı, yañalıqlarnı belä almadım.

Yuq, uñaysız bulmadı, çönki yal könnärendä min tuğan yaqlarıma qaytıp, tuğannarım belän aralaştım. Gazetalar uqırğa waqıtım da bulmadı.

Duslarım belän yördem, konsertlarda buldım. Gazeta uqırğa waqıtım da bulmadı minem.

Televizor bar bit, ä gazeta uqımıym.

Küñelsez bulmadı, gazeta barıber uqımıym min.

Programmasız çiten buldı, tege atnadan qalğan programma belän genä tordıq. Şulay uq xäbärlärne dä belep bulmadı inde.

Bäyrämnär turında yazsınnar, qayda närsä bulğanın. Keşe bolay da berqaya yörmi, gazeta bulsa da uqırlar ide.

Könküreş mäğlümatnı kübräk gazetalardan uqığaç, alarnıñ çıqmawı bik awır buldı inde.

Min gazeta uqımıym, waqıtım yuq anıñ öçen. Kiräk tügel ul dip sanıym.

Güzäl Zıyätdinova

XS
SM
MD
LG