Başqortstan qaramağındağı TU-134 oçqıçı, ğädättän tış xälgä duçar bulıp, Baku şähäre hawa alanına utırğannan soñ, bilgelängän waqıttan 13 säğätkä soñlap bulsa da, Ufağa qaytıp citte.
Ğädättän tış xäl Utair şirkäte oçqıçı belän kiçä bulğan ide. Tömän-Baqu-Ufa marşrutı belän yulğa çıqqan TU-134 oçqıçı Bakuda töşep xalıqnı alğannan soñ, Ufağa oçu öçen hawağa kütärelä. Ämma küp tä ütmi, oçqıçnıñ alğı täräzäseneñ pıyalası yarılğanlığı açıqlana. Şunnan soñ oçuçılar kire Baku hawa alanına qaytırğa qarar itä. Anda oçqıçnıñ täräzäsen almaştıralar häm comğa irtäsendä – urındağı waqıt belän 6.30 minutta oçqıç isän-imin Ufağa qaytıp citte.
“Oçqıçtağı 65 yulçı häm ekipajnıñ 7 äğzası barısı da yaxşı käyeftä”, - dip xäbär itte “Azatlıq” radiosına Ufa hawa alanı citäkçeläreneñ berse Tahir Möxämmätşin.
