Accessibility links

Кайнар хәбәр

Dönya matbuğatı Rusiädä röxsätsez möhäcirlärgä qarşı çaralar turında


Rusiädä düşämbe könne viza taläp itelmägän illärneñ häm elekke sovet respublikaları watandaşları eş röxsäte alunı ciñeläytüçe qanun ğämälgä kerde. Bu üzgäreşlär bazarlarda çit il watandaşlarınıñ eşläwen çikläw säyäsäte belän bergä bara. Rusiädäge şul xällär dönya matbuğatında da çağılış taba.

Quşma Ştatlarda çığuçı İnternational Herald Tribune Rusiä möhäcirlärgä qarşı käyef dulqını kütärelä barğanda düşämbe könne qatı yaña migratsiä tärtibe kertü belän millionnarça röxsätsez eşçegä qarşı çaralar başlap cibärde dip yaza.

2007 yılda çit il eşçeläre sanın 6 million belän çikläwçe yaña tärtip nigezendä xakimiätlär küpçelege röxsätsez eşläwçe 10-12 millionlap dip isäplängän çit il keşelären qatı qısalar quya dielä anda.

Gazeta xalıqnıñ möhäcirlärgä, bigräk tä Kafkaz häm Üzäk Aziädän kilgännärgä rizasızlığı arta barğanda möhäcirlekneñ prezident Vladimir Putin öçen bik möhim mäsälägä äwerelüe turında yaza.

İnternational Heral Tribun şulay uq tänqitläwçelärneñ mondıy çaralar barı ksenofobiäne köçäytäçäk, inflyatsiäne arttıraçaq häm ildä xalıq sanı kimüne tizlätäçäk digän fikeren dä kiterä.

Mäskäwdä çığuçı Moscow Times üz uquçıların qısqaça ğına yaña tärtip belän tanıştırğannan soñ bazarlarda satuçı berniçä çik il keşeseneñ fikeren täqdim itä.

Bazarda elektr tawarları satuçı Belarustan kilgän Maksim yaña tärtip ällä ni üzgäreşlär kitermäs dip ömetlänüe turında äytä. Bez çemodan östendä utırmıybız, Bu Rusiä, monda härçaq problemalarğa çişeleş tabıp bula di Maksim.

Gruziädän kilgän Timur isä 1 apreldä BDB illärennän kilgännärgä bazarlarda satu tıyılğannan soñ kire Gruziägä qaytıp kitüdän başqa çara qalmıy di.

İsmailbäk Savadov isemle Azärbäycan watandaşı Bu barı qurqıtu ğına, min Rusiädä inde 30 yıldan artıq yäşim häm ällä ni üzgärmiäçägen beläm di.

Moscow Times Rusiädä eş häm möhäcirlek qanunnarı belgeçe Yevgeniy Reyzman fikeren dä beleşkän.

Reyzman bu qanun yaña kilüçe viza taläp itelmägän illärneñ watandaşlarına qarıy, ämma inde röxsätsez eşläwçe millionnarça çit il keşesenä anıñ niçek täesir itäçäge açıq tügel, Şulay da min yaqın kiläçäktä andıy çit il keşelärenä qarşı küpläp deportatsiäläw kebek zur kisken çaralar kötmim. Xakimiätlär beraz, bälki yartı yıllap kötär, yaña qanunnarnıñ niçek eşläwen öyräner häm şunnan soñ ğına qatı çaralar başlar kebek di Reyzman Moscow Times gazetına.

Britaniäneñ Daily Telegraph gazetı da Rusiä bazarlarında çit il watandaşlarınıñ eşläwen çikläwçe yaña tärtip turında yaza.

Bu basma xäzer tulısınça diärlek çit il keşeläre genä satu itkän bazarlarda barı Rusiälelärneñ genä eşläwen röxsät itüçe yaña qanun ğämlgä kerü belän ilneñ bazarları tizdän buşap qalırğa mömkin digän kisätü buldı dip yaza.
XS
SM
MD
LG