Germaniä kanslerı Angela Merkel Yewropa Berlegeneñ konstitutsiä ölgese turında tuqtalıp qalğan söyläşülärne yañartırğa wäğdä birep, bu turıda kileşä almaw tarixi xata bulaçaq dide.
Yewropa Berlegendä citäkçelek yıl başınnan Germaniägä küçkännän soñ Merkel bügen berençe märtäbä Strassburgta Yewropa Parlamentına möräcäğät itte.
"Yewropa öçen äğzä illärneñ häm alarnıñ watandaşlarınıñ bu protsessnı 2009-nçı yılnıñ yazında ütäçäk kiläçäk parlament saylawlarına qädär uñışlı näticägä kiterüe kiräk" dide Merkel.
Fransiä häm Niderland saylawçıları 2005 yılda konstitutsiä ölgesen kire qaqqan ide.
