Rusiä prezidentı Vladimir Putin Rusiä barlıq illär belän dä mönäsäbätlären säyäsätkä tügel, bazarğa nigezliäçäk dide.
Çit illärneñ ilçeläre belän oçraşuda Putin tağın ber märtäbä Rusiä ışanıçlı energiä täeminätçese dip qabatladı.
Putin çın energiä iminlegenä barı tik energiä çeltärendäge barlıq äğzalar da nıq ışanıçlı bulğan oçraqta ğına ireşep bulaçaq dide.
Bu ayda Rusiä belän Belarus arasındağı neft qudıru bäxäse säbäple Yewropağa neft kilü tuqtalıp torğan ide.
