Accessibility links

Кайнар хәбәр

Aqçarlaq alanında şartlatqıç saqlanması tabılğan


Yäkşämbe irtäsendä Qazannıñ Zalesnıy bistäse yanında urnaşqan Çayka - Aqçarlaq balalar alanında gajäep xällär açıqlana. Monda taşlandıq yort eçendä Tatarstan Respublikası eçke eşlär ministrlığı xezmätkärläre tarafınnan küpläp qoral tabu oçrağı terkälde.

Bu xaqta tulıraq Azatlıq radiosı öçen Tatarstan eçke eşlär ministrlığınıñ jinayatçelärne ezläw idäräse citäkçese Vladimir İvanov söyläde.

Belgeçlär süzlärenä qarağanda qorallar arasında 250 gramm plastida, 3 granat, Syurpriz dip atalğan ike mina, 7 elektrodetonator, 280 gramm tratil, 600 ğarmm şartlatqıç, 4 tawış çığarmıy torğan pistolet häm 100 dän atıq patron bulğan.

Monıñ xätle qoral yawızlar qulına eläksä, eşneñ niçek tämamlanasın, eçke eşlär ministrlığınıñ jinayatçelärne ezläw idäräse citäkçese Vladimir İvanov bolay añlattı.

Bu pistoletlarda tawış çığarmıy torğan jaylanmalar urnaştırılğan. Şartlatqıçlar distansion idärä itü pul''tlı. Bik köçle qorallar. Älbättä alar barı ber maqsattan, jinayat'' başqaru maqsatınnan qullanılırğa tieş bulğannar. Bez bu qorallarnı tapqan ikän dimäk, tağın ber jinayat'' tuqtatıldı. Bu älbättä uñay eş.

Qorallar qayan anda kilep eläkkän, alar kemneke, bu eş buyınça sorawlar bixisap. Tik eçke eşlär ministrlıysında sorawlarğa javap birergä aşıqmıylar. eçke eşlär ministrlığınıñ jinayatçelärne ezläw idäräse citäkçese Vladimir İvanov bu xälne bolay añlattı.

Bügenge köndä jinayatçelärne ezläw idäräseneñ Kirov rayonı bülege, bu jinayat'' buyınça tikşerü eşläre alıp bara, qorallarnıñ kemneke ikänen açıqlıy. Älegä bu eştä açılıp betmägän yaqlar küp, şuña kürä bezneñ bu turıda söylärgä xaqıbız yuq.

Aqçarlaq alanı citäkçeläre bu xälgä niçek qarıy, bik nıq borçılalar mikän diep üzlärenä şaltıratqan idek. Anda isä bezgä bolayraq javap birdelär.

Xäzer Lagerdä beräwdä yuq. Bez ber närsä dä belmibez, xucalar irtägä kilä, alar belän söyläşersez.

Küräbez, saqçılar yaxşı. Xätta üz çirendä ni bulğanın da belmilär. Ällä belep tä äytergä telämilär. Bälki quşılmağandır. Monısı bilgesez. Ä älegä yäkşämbe Aqçarlaq alanında açıqlanğan jinayat'' eşen tikşerü däwam itä.

Ğädel Galämetdinov

XS
SM
MD
LG