Bögön studenttar Tatyana könön bildäläy. Räsäyźä studenttar könö prezident Putin farmanı menän, Mäskäü uniwersitetı asılıuźıñ 275 yıllığı xörmätenä 2 yıl elek buldırılğaynı. Başqortostan xoquq haqlau orğandarı bögön käyef–safa qorousı bulasaq belgestärźe uramda bolğanışıp yörögändäre ösön yapmaśqa wäğäźälägän. Komsomolsqaya prawda gäzite Studenttar könö aldınan bildäle keşelärźeñ yäşlek yıldarı xaqında la qıźıqlı mäğlümättär baśtı. Unda mäśälän prezident Mortaza Räximovtıñ uqıu yıldarında matematika fänen yaratıuı yaźılğan. Bulasaq prezident üźallı eştär mälendä uqıtıusılarźıñ häm sinıftaştarınıñ şıbırlauın yaratmağan. Kemder uğa auır mäsäläne sisergä yarźam itergä telähä, student Mortaza Räximov barıhın da üźem añlap eşlämägäs, nisek itep zawodta laboranttarźı tikşerergä öyränäm huñ tip yauap birgän. Şul uq gäzit yaźıuınsa, bulasaq prezident sinıftaştarı matematiqa buyınsa yarźam horağanda ularğa bulışqan. Unı kurstaş studenttar xörmät itkän.
