Accessibility links

Кайнар хәбәр

Çallıda "Xizbut-Tahrir" eşe yäşeren qaralamı, ällä kiçektereläme?


-Tahrir-Äl'-İslamiä" oyışmasına kergän,- dip sanalğan keşelärgä qarata mäxkämä eşen başlaw öçen böten şartlar, cirlek tudırılğan kebek ide. Şähärneñ radio-televidenie, gazeta kebek matbuğat çaraları atnalar buyı şuşı xaqta "yañğıratıp tordılar". "Xizbut-Tahrir"nıñ Tatarstandağı citäkçeläreneñ niçek itep üzlärenä fikerdäşlär tuplawı, listovkalar taratuların bäyän ittelär. Axırda şundıy näticä yasaldı-oyışma ägzalärenä 30 ğinwarda mäxkämä eşe başlanaçaq. Şuşı uq könne Azatlıq xäbärçese federal' iminlek xezmäteneñ Çallı bülegenä elemtägä çığıp, mäxkämä eşeneñ başlanaçağın, läkin anıñ yabıq bulası xaqında belde. Şähärneñ berniçä mäxkämä yortında bulıp ta, "Xizbut-Tahrir" eşe qarala başlawı xaqında mäglümät alıp bulmağanlığı xaqında 30 ğinwar tapşıruında äytep kitkän idem. Monısı ğacäp tügel, ni äytsäñ dä, mäxkämä yabıq dip iglan itelgän bit. Çınbarlıqta, älege oyışmağa qatnaşları bar dip qulğa alınğan keşelärgä qarata xökem eşe başlanmağan bulıp çıqtı. Ni säbäple, monısın da şul "yäşeren", "yabıq" digän süzlär arqasında açıqlaw mömkin bulmadı.Şunısı qızıq, "Xizbut-Tahrir" eşe belän Çallı matbuğat çaraları da butaldı.Ğazetlarnıñ berse "Mäxkämä eşe kiçekterelä", dip yazsa, ikençesendä "Sudebnıy protsess poşel" dip uqırğa bula.

Sişämbe könne Çallıda respublika komissiäse eşläde.TR premyer-ministrı urınbasarı R.Morat räislegendäge älege komissiäneñ Çallığa berençe genä kilüe tüğel.Yartı yıl inde komissiä şähärdäge "sorı xezmät bazarı" häm xezmät xaqın konvertlarda birü belän köräşä.Yartı yıllıq köräşneñ näticäläre mondıy:

-2 mln 700 meñ sumlıq xezmät xaqın konvertlarğa salıp birgän berläşmä citäkçesenä cinayät eşe açılğan.

-Xezmät kileşüe bulmağan 43 oçraq terkälep, eşkä aluçılarğa kisätü yasalğan.

-2007 yılnıñ 1 ğinwarına Çallıda xezmät xaqı burıçları beterelgän.

Bu komissiä, Çallı berläşmälärendä eşläwçelärneñ xezmät xaqı 5900 sumnan kim bulmasqa tieş, digän bilgelämä dä çığarğan ide.Oktäber ayında 1500 berläşmädä xezmät xaqı 5900 sumnan kim bulsa, xäzer mondıylarnıñ sanı 170 kä qalğan.Aları da, yaqın arada xezmät xaqın komissiä taläp itkän däräcägä kütärergä wäğdä birälär.

Çallı, Ğafiulla Ğaziz

XS
SM
MD
LG