Accessibility links

Кайнар хәбәр

Ukraina prezidentı Yevropa räsmiläre belän oçraştı


Ukraina parlamentı ilneñ gaz ütkäreçlären xosusilaştıru, satu yäki qullanuğa birep torunı tıyğan qanun qabul itte. 450 keşelek parlamentnıñ 430 deputatı qanunnı xupladı, qarşı çığuçılar bulmadı. Qanun ölgese uzğan atnada, Rusiä prezidentı Vladimir Putinnıñ, Ukraina Rusiä belän urtaq gaz şirkäte tözergä äzer digän belderüennän soñ äzerlängän ide. Kievta bügen Yevropa Berlegendä räislek itkän Germaniä tışqı eşlär ministrı Frank-Walter Steinmeier häm Portugaliäneñ Yevropa eşläre ministrı Manuel Lobo Antunes Ukraina prezidentı Viktor Yuçenko belän oçraştı. Prezident, Yevropa räsmilärenä, ike arada mönäsäbätlärne canlandırırğa çaqırdı: "Bezneñ arada mönäsäbätlärne säyäsi xezmättäşlek häm iqtisadi integrasiä qısalarında caylaw kiräk. Bik küp ölkälärdä möhim adımnar inde bilgelängän, alarnıñ qayberlärendä kiräkle ğämällär dä qılınğan." Yuçenko, Yevropa Berlegendä äğzalıqnı – Ukraina öçen töp maqsatlarnıñ berse itep quyğan ide.
XS
SM
MD
LG