İran mäğlümatlärenä qarağanda, Bağdadta ber İran diplomatı urlanğan häm anıñ öçen Quşma Ştatlar cawaplı. İran tışqı eşlär ministrlığı wäkile belderüençä, Bağdadtağı İran ilçelegeneñ ikençe sekretare Cäläl Şäräfi yäkşämbe 4 fivral könne yuqqa çıqqan, häm moña Ğiraq saqlanu ministrlığınıñ qatnaşı bar. İrannıñ Ğiraqtağı ilçese Hässän Kazemi-Qomi, däwlät televideniäsendä, urlawnı AQŞ prezidentı George Bush quşqan, dip belderde. Uzğan ayda Bush, Ğiraq ğısyançılarına İrannan kilgän yardämne tuqtataçağı turında beldergän ide. Amerikan xärbi köçläreneñ matbuğat wäkile, İran diplomatın urlawğa AQŞ köçläre yäki alar belän bergä eşläwçe ğiraqlılarnıñ qatnaşı buluın kire qaqtı.
