Amerikan xärbi köçläre xäbär itüençä, bügen Bağdad yanında yök boralağı häläkätkä oçrağan, soñğı atnalarda bu – amerikannarnıñ 5nçe boralağı. Xärbi köçlär wäkile general-mayor William Caldwell bu xälne rasladı, ämma ziyan kürüçelär turında ber süz dä äytmäde:
"CH-46 boralağı häläkätkä tarıdı. Bez monda söylägän arada ul urında tikşerü häm qotqaru eşläre bara. Häläkätneñ urını – Bağdadtan tönyaqkönbatışqa taba ber 30 çaqrım çaması yıraqlıqta."
Moña qadär häläktä oçrağan 4 boralaqta barlığı 21 keşe häläk bulğan ide. Bağdadta ğiraqlılar citäkçelegendä yaña iminlek çaraları iğlan itelgän.
