Accessibility links

Кайнар хәбәр

Tarix institutına 10 yıl tuldı


İnde säğät ikegä Tatarstan fännär akademiäseneñ mähabät binası yanına, maşinalar cıyıla başladı. Akademiklar äkren genä cıyıla, maşinalar kübäyä digän süzemä bergä söyläşep torğan tanışım bolay dide. Akademiklar alar cäyäw yöri, ä boları citäkçelär maşinası. Dörestän dä tantana başlanır aldındağı ığı-zığığa qarağanda, zal şığrım tulır ide kebek. Bulmadı. Buş urınnar xäyran ide. Tantananı Tatarstan Respublikası fännär akademiäse prezidentı Äxmät Mäzgarov başlap cibärde. Prezidiumda isä Tatarstan premyer ministr urınbasarı Rawil Muratov, , Tatarstan mäğärif häm fän ministrı Räis Şäyxelislamov, Rafail Xäkimov Mirqasıym Gosmanov, İldüs Xäybullin kebek xörmätle keşelärne kürep buldı. Här çığış yasawçı Tatarstan tarix institutınıñ 10 yıllıq yubiley yuelän qotlap, aña maqtaw süzlären yulladı.

Bügenge köndä Tatarstan tarix institutınıñ däräcäse, anıñ ütkäne häm kiläçäge turında Azatlıq radiosı öçen Tatarstan Fännär akademiäse vitse-prezidentı Mirqasıym Gosmamnov söyli.

Bu qazanışlarnıñ töp säbäben min, bu instituttağı normal xezmättäşlek, normal atmosferada küräm. 200гә yaqın kitaplar bastırıp çığardı, alar arasında bik zur monografiälär dä bar.Alarnıñ härbersenä millionlap aqça totılğan häm yıllar buyı köç, xezmät sarıf itelgän.

Bügenge köndä akademiädä 8 bülek eşläp kilä.Urtağasırlar tarixı, yaña tarix, Etnologiä bülege, cämäğätçelek fikere islam täğlimät bülege, arxeologiä, milli mäğärif häm başqa büleklär bar. Akademiäneñ soñğı qazanışı itep, “Tatar atılası: Yevraziä borınğı xaritädä.” tarixi-mädäni basması sanala. Älege basmanıñ uniqallege turında Tarix institutı citäkçese Rafail Xäkimov söyli.

Ber yaqtan ul populyar, ikençe yaqtan anda bik küp qartalar, öçençe yaqtan anda bik matur räsem, menä ul şunıñ belän bezgä qäderle. Qayber basmalarnı uquı bik awır, tele qatlawlı, ä monı kem dä uqı ala häm ul fänni, nigezle, töple, anıñ nigezdä inde bütän kitaplar da çığarıp bula.

10 yıl eçendä Tarix institutı tarafınnan 500гә yaqın monografiä, cıyentıyklar, 2500гә yaqın fänni mäqälä bastırılğan Alarnıñ qayberläre däwlät premiälärenä iä bulğan. Bügenge köndä tatar tarixın nıqlap öyränü maqsatınnan, institut xezmätkärläre tarafınnan törle töbäklärgä ekspeditsiälär oyıştırıla. İnstitutnıñ uñışlı eş alıpbaruınıñ tağın ber säbäbe, çit il elemtälär urnaştıru. Fikerne Tatarstan Fännär akademiäse vitse-prezidentı Mirqasıym Gosmamnov däwam itä.

Rossiä külämendä dä, BDB külämendä dä, xalıqara masştabta ta xezmättäşlekne urnaştıru. Amerika, Germaniä, Vengriä, Bolğariä, Qazaqstan ğalimnäre dä qatnaşalar. Menä bu xezmättäşlekneñ äybät näticäse.

Tatarstan premyer ministrı urınbasarı Rawil Moratov, Tatarstan mäğärif häm fän ministrı Räis Şäyxelislamov ğalimnärgä büläklär tapşırdı. Ä institutnıñ yubiley, anıñ direktorı Rafail Xäkimovnıñ 60 yıllıq yubileena täñgäl kilde. Rafail Xäkimov üzeneñ çığışında min tarixçı tügel, älege institutta oçraqlı ğına keşe dide. Läkin Mirqasıym Gosmanov üz dokladında anıñ fänni häm oyıştıru eşçänlegen yuğarı bäyäläde. Ämma bu tema äle institut diwarlarında däwam iteläçäk.

Ğädel Galämetdinov

XS
SM
MD
LG