Törkmänstannıñ mäğlümat çaraları xäbär itüençä, 11 fivral ütäçäk prezident saylawları aldınnan başqalağa BMO häm Yevropada İminlek wä Xezmättäşlek Oyışmasınıñ Parlament Mäclese wäkilläre kilgän: " Yevropada İminlek wä Xezmättäşlek Oyışmasınıñ Parlament Mäclese wäkilläre Aşğabadqa kilde. Alarnı mäcles prezidentı Goran Lennmarker citäkli. Wäkillek parlamentta söyläşülär ütkäräçäk, räsmilär belän oçraşaçaq, Aşğabad häm Axal vilayätendä saylaw urınnarın barıp küräçäk." dip xäbär itte Törkmän televideniäse. Dikaber ayında elekke prezident Saparmorat Niyazov wafatınnan soñ bilgelängän saylawlar – soñğı 15 yılda ildä ütkän berençe prezident saylawları bulaçaq. Törkmänstanda çit il wäkilläreneñ buluına qaramastan, saylawlarda xalıqara räsmi küzätüçelär yuq.
