İerusalem – Izrail premier-ministrı Ehud Olmert "Fälästinneñ yaña xökümäte xalıqara aradaşçılar törkeme quyğan taläplärne ütämäsä, bu xökümät belän xezmättäşlek bulmayaçaq" dip kisätte. Anıñ süzlärençä, ul bu xaqta amerikan prezidentı George Bush belän telefon aşa söyläşep kileşkän. Töbäktä säfärdä bulğan Quşma Ştatlar däwlät sekretare Condoleezza Rice bügen Olmert häm Fälästin citäkçese Mäxmüt Abbas belän söyläşülär ütkärde. Düşämbedä alarnıñ 3-yaqlı oçraşuı ütergä tieş.