Bügen AQŞ däwlät sekretare Condoleezza Rice İzrail premyer-ministrı Ehud Olmert häm Fälestin xakimiäte citäkçese Mähmüd Abbas belän oçraştı. İke yaq ta – yänäşä ike däwlät bulğan Yaqın Könçığışnı kürergä teläwlären beldergän. Rice, ike citäkçe atışlarnı tuqtatu kileşüe häm "yul xaritası"na tuğrı qaluların tağın ber tapqır qabatladı, dide: "Öçebez dä ike däwlät buluı, fälestin däwläteneñ köç qullanu häm terror belän tözelä almawı, elek bulğan kileşülär häm "yul xaritası"na tuğrı qaluıbız turında kileştek." AQŞ häm İzrail, köç qullanunı tuqtatqan fälestin xökümäte belän genä eş itäçäklären belderde. Fälestin xökümätendä dä köndäş fraksiälär arasında söyläşülär bara. Olmert, Abbas häm Rice yaqın kiläçäktä söyläşülärne däwam itergä kileşte.
