Accessibility links

Кайнар хәбәр

Ufada Därdmänd muzeye açıldı


19 fevral Ufada Därdmänd (Möxämmätzaqir Rämiev) muzeye açıldı. Ul Başqortstannıñ däwlät milli muzeye qarşında açıldı. Muzeynı açu çarasında tatar zıyalıları, studentlar, Rämievnıñ onıqları, Tatarstan qunaqları qatnaştı. Tatarstannan yazuçı, ğälim Färit Yäxin häm dramaturg Danil Sälixovlar kilgän ide. Çarada çığış yasawçılar Därdmändkä şağir bularaq qına tügel, metsenat bularaq ta zur bäyä birdelär. Başqortstan tatarları kongressı başqarma komitetı räise Ruşan Ğallämov Zäki Wälidi Rämiev birgän aqçağa Törkiägä kitkän dip belderde. Ul kitmäsä, bälki, respublikanıñ qorılışı başqaça bulır ide dide. Çarada iñ töp çığışnı Färit Yäxin yasadı. Ul Därdmändneñ ädäbiätqa yaña küreneş - simvolizm alıp kilüen yuğarı bäyäläde. Därdmändçelek digän ayırım ber ağım tudı dide.

Älegä muzey eksponatlarğa bay tügel. Anda şağir kitapxanäsennän kitaplar, sawıt-sabalar quyılğan. Sawıt-sabalar, çäneçke-qalaqlar, pıçaqlar maxsus eşlätelgän. Alarda Rämievlar bilgese - büre başı räseme töşerelgän.

Därdmänd könnäre Zäki Wälidi isemendäge milli kitapxanä häm tatar ziratında da däwam itte. 20 fevral çaralar şağirneñ tuğan yağı Mäläwez rayonında däwam itäçäk.
XS
SM
MD
LG