Öfönöñ Könyaq zıyaratında 2002 yılda Germaniyanıñ Boden küle öśtöndäge aviahäläkättä häläk bulıusı balalar qäberenä Germaniyanan kilgän delegattar häm ularźıñ ata-äsäläre, sinıftaştarı säskä haldı. Oşo avia fäjiğälä wafat bulğan 71 bala arahınan 41e Öfänän ine. Könbayış häm Könsığış Germaniya yämğiäte räyese Gans Erenfrand Mate äyteüensä, bıl häläkät äle haman här almannıñ yörägendä auır yara bulıp qala. Yüldä fajiğägä 5 yıl tula. Beź bar donyanı teträndergän oşo waqiğanı iśäk alırğa teyeşbeź, şulay uq Başqortostan häm Germaniya yäştäre arahında eşlekle bäyläneştärgä nigeź halırğa, osraşıuźar ütkärergä lä niätläybeź, tine Gans Erenfrand Mate. Avia fäjiğälä häläk bulğan balalarźı sinıftaştarı la onotmay, här berehe duśtarınıñ qäbeźärenä säskälär haldı. Gans Erenfand Mate äyteüensä, Germaniya belgestäre aviahäläkät qartahın töźögän. Unıñ menän häläk balalarźıñ ata-äsäläre bıyıl yäy tanışasaq.
Rämzit Äbüläev, Öfö
Rämzit Äbüläev, Öfö
