Accessibility links

İran uran bayıtunı tuqtatmadı


Bügen BMO İminlek Şurası – İranğa uran bayıtunı tuqtatu öçen bilgelägän waqıt çıqtı. İran prezidentı Mähmüd Äxmädinecad programmanı tuqtatudan baş tarttı. Prezident, İran atom texnologiäsenä iä bulu xoquqı öçen eşçänlekne däwam itäçäk, dip belderde. İrannıñ atom eşläre aradaşçısı Ali Laricani isä, ägär dä İran belän könbatış arasında söyläşülär yañartılsa, İran atom qoralı citeştermäw wäğdälären birergä äzer, dide. Ägär dä Xalıqara Atom İdaräse Tährannıñ uran bayıtuın tuqtatmağanın raslasa, İminlek Şurası çikläwlär kertäçäge belän yanadı. Ul arada İrannıñ reformaçıl Möcaheddin İslam İnqilabı Oyışması firqase - xökümätne, atom eşçänlegen tuqtatırğa çaqırdı. Alar bu möräcäğätne, İrannıñ – atom bäxäsennän tış başqa möhimräk xoquqları bar, alarnı kire qağırğa yaramıy, dip añlattı.
XS
SM
MD
LG