Törkmänstannıñ yaña prezidentı Gurbanğulı Birdemöhämmädov yaña xökümät başlığı wazifasın, elekke prezident Saparmorat Niyazov kebek üzenä qaldırdı, qalğan ministrlarnı 6 ayğa bilgeläde. Ministrlarnıñ burıçı - Törkmänstannıñ awırlıq belän ireşelgän izge bäysezlegen saqlaw, dide Birdemöhämmädov. Prezident saqlanu, milli iminlek häm eçke eşlär ministrların üz urınnarında qaldırdı, üzenä 3 urınbasar bilgeläde. Berençese – tışqı eşlär ministrı Räşid Meredov. Birdemöhämmädov bu ayda saylawlarda ciñep Törkmänstannıñ yaña prezidentı buldı.
