Иран президенты Мәхмүт Әхмәдиниҗат Сөгуд патшасы Габдулла белән Гыйрактагы мәзһәбара бәрелешләр, Либан кризисы, Тәһранның атом программасына бәйле Көнбатыш белән каршылыгы турында сөйләшү өчен Риядка килде.
Сәфәр башында Тәһран һава аланында Әхмәдиниҗат хәбәрчеләргә Иран Сөгуд Гарәбстаны белән бәйләнешләрне киңәйтергә тели диде.
Ул шулай ук Габдулла патша белән Ислам дөньясында һәм төбәктә ике илнең хезмәттәшлеге турында сөйләшәчәген әйтте.
