Accessibility links

Кайнар хәбәр

Abxaziädä berençel saylaw näticäläre iğlan itelde


Gruziäneñ üzbilgelängän töbäge, Abxazia räsmiläre Yäkşämbe könne uzğan parlament saylawları näticälären iğlan itte, saylaw komissiäse başlıgı Batal Tabagua, saylaw köräşendä 35 bülgedän 18endä kemneñ saylanğanı inde bilgele dide.

Saylawlarda, xalıq tawışlarınıñ yartısına citep betmägän 17 töbäktä, ikençe tur saylawlar bulırga tiyeş. Aları 2 atnadañ soñ bulır dip kötelä.

Ayırılırga telägän şuşı töbäktä, barlıq qatnaşuçılar sanı älegä 47 protsent çaması, saylawlarnıñ ğämäldä buluı öçen bu sannıñ 25 protsenttañ kübräk buluı da citä ide.

Abxaziyanıñ 35 urınlı Parliamentı öçen tawış birüdä 130 meñläp keşe qatnaşa ala.

Älegäçä saylangan 18 namzättäñ unbere Prezident Sergei Bagapşnı yaqlap kilgän, 3 säyäse partiä wäkile. Alar Berdäm Abxaziä, Aytayra häm Amtsaxara xäräkätläre.

Oppozitsiädän 5 namzät saylangan.

Gruziä Xökümäte, Abxaziyanıñ Bäysezlek däğwasın tanunı kire qağıp kilä. Bu mäs''älädä 90-nçı yıllar başında Gruziyä belän sugış ta çıqqan ide, anda meñlägän keşe hälak buldı, yözlärçä meñ Gruzin Qaradiñgez töbägennän köçenep kitärgä mäcbur itelde.

Gruziä Prezidente Mixail Saakaşvili Yakşämbe könge çıgışında, abxaz separatistları belän kileşü niyäte bulmawın belderde.

Ul, Abxaziädän kitkän xalıq sanı 400.000 belän 500.000 arasında, bu şartlarda mondıy qanunsız xälne säyäsi yaqtan aqlarğa tırışu qabul iterlek närsä tügel, bu xälne Gruziä xökümäte dä, Xalıqara cämägatçelek tä tanıy almıy, dide Gruziä prezidentı.

Gruziyä premyer-ministrı Zurab Noğaydäle dä şulay uq saylawlarnı kire qaqtı. Läkin şulayda, Gruziä xökümäte Abxaziä belän töbäk öçen “irken avtonomiägä kiteräçäk añlaşuga, tınıçlıq belän kileşergä äzer dip belderde.

Abxaziäne ber il dä räsmi räweştä tanımiy, ämma ul şul uq waqıtta töbäktä üzeneñ tınıçlıq saqlaw köçlären totqan Mäskäwneñ yaqlawın toyıp yäşi.

Abxaz xökümäte räsmiläre, töbäkneñ irekle häm ğadel saylawlar ütkärüe, anıñ bäysezlekkä omtıluın nığıtır, digän ömetä belderä.
XS
SM
MD
LG