Мәскәү – Русиянең Ирандагы Бүшәр атом станциясен төзүне кичектереп тору карарына Кушма Штатлар хуплау белдерде. Мәскәүдә сәфәрдә булган Энергетика министры урынбасары Clay Sell, бу карар "безнең уртак мәнфәгатькә туры килә" дигән сүзләр әйтте. Шушы атнада Мәскәү, Иранның түләүләрне тоткарлавы аркасында, Бүшәрдәге эшләрне туктатып тору турында белдергән иде. Иран рәсмиләре, бу туктату ике арадагы мөнәсәбәтләргә зыян китерә ала, дип кисәтте.
