Иран президенты Мәхмүт Әхмәдиниҗат Иранның атом мәсьәләсенә бәйле низагъны чишү өчен Тәһран яңа тәкъдимнәр белән чыгачак дип белдерде.
Франция телевидениесенә интервьюда Әхмәдиниҗат тагын бер мәртәбә БМО Иминлек Шурасының уран баетуны туктату таләбен кире какты.
Әхмәдиниҗат шулай ук АКШның Иранга хәрби һөҗүмнәр ясау мөмкинлегеннән курыкмавын да әйтте. Хәзерге шартлар андый һөҗүмнәр ясау өчен яхшы түгел диде Әхмәдиниҗат.
