Accessibility links

Кайнар хәбәр

1100 yıllıq ärmän cirkäwe tözekländerelde - berkem dä qänäğät tügel


Tөrkiәneñ kөnçığışında Van külendә urnaşqan utrawda 1086 yıl elek salınğan әrmәn cirkәwe, xөkümәtneñ insiativası belәn ike yılda 1 millon 300 meñ dollar aqça sarıf itelep restovratsiәlәnde. 90 yıldan artıq yabıq bulğan bu cirkәw cimerelü qurqınıçı astında ide. AK partiә xөkümәte tөrle reaksiәlәrgә qaramastan diplomatik mөnәsәbәtlәr urnaşmağan kürşedәge Әrmәnistan hәm әrmәn diasporasına qarata yaşı niәt kürsәtü mәqsatınnan çığıp şuşı proyektnı ğәmәlgә aşırdı. 29-nçı Martta Van küle өstendәge utrawda urnaşqan Aqtamar, Axtamar yaki Surp Tәre әrmәn çirkәve dip atalğan tarixi çirkәwvneñ restovratsiәdәn soñ açılış yolası buldı.



Әrmәnistannan 19 keşelek ber delegatsiә kilde, yola әrmәn televiziәse aşa da turıdan turı tapşırıldı. Eriwandağı әrmәn patriarxı Karekin yolağa qatnaşmadı. Ankaradağı çit il ilçeleklәrennәn 45 vәkil qatnaştı. AQŞ Bөyekilçeseneñ urınbasarı Nancy McEldowney “Tөrk xөkümәte bik zur adım atladı, Әrmәnistannıñ da vәkillәren cibәrüwenә şatlandıq”dide. AB-neñ ağımdağı citәkçese Almaniәneŋ Bөyekilçese Eckart Cuntz “Bu yola Tөrek-әrmәn kileşüneñ әhәmmiәteni işarә itә” dide.



Açılış yolasında Mәdәniәt hәm Turizm Ministere Atila Koç, Tөrkiәdәge әrmәnәrneñ patriarxı Mesrop Mutafyan hәm baytaq başqa rәsmi şәxeslәr bar ide. Mutafyan restovratsiәlәngәn cirkәvgә tәre tağılıp, biredә ğıybadәt itügә dә irek birelsә ide digәn talәp quydı. Çөnki çirkәw ğıybadәtxanә bularaq tügel, ә tarixi muzey binası bularaq açıldı.

Әxtәm İbrahim, İstanbul

XS
SM
MD
LG