Accessibility links

Kuşnarenko rayonında yaña baş kütärülär bula


Başqortstannıñ Kuşnarenko rayonında yäşäwçelär tağın da mitinglar häm piketlar oyıştırırğa äzerlänä. Elegräk tä xäbär itelüençä, andağı cämäğätçelek rayon xakimiäte başlığı Sergey Qasatkinnı wazıyfasınnan alunı taläp itä. Kuşnarenko xalqı rayon xaqimeneñ citäkçelek itü ısulları belän kileşmi. “Sergey Qasatkin rayon milken taratıp beterde, eşlärgä häm yäşärgä hiçber şartlar qalmadı”, - dip belderä aña qarşı çığuçılar. Uzğan atnada Kuşnarenko rayonı üzägendä xaqimiät başlığın eşennän buşatunı taläp itep, küp keşe qatnaşlığında miting ütkän ide. Urındağı xalıq aldağı könnärdä dä piketlar häm mitinglar oyıştırırğa cıyına.

Şul uq waqıtta rayonda töbäk citäkçeläreneñ eşen tänqitläp çığuçılarnı eşlärenän buşatular däwam itä. 28 mart könne rayonnıñ Baytallı isemle tatar awılı mäktäbe direktorı İlfir Kotdusovnı eşennän alğannar. Bu mäktäp uzğan yılda Rusiä Prezidentınıñ 1 million sumlıq grantın otqan ide. İlfir Kotdusov üzeneñ eşennän alınuı säbäbe itep, üz mäktäplären başqort telendä uqıtuğa küçerügä qarşı çığuı belän bäyläp añlata. Äle ul wazıyfasına kire qaytu öçen mäxkämägä möräcäğät itäçägen belderde.

XS
SM
MD
LG